శ్రీ మహిషాసుర మర్దినీ స్తోత్రo_Shri Mahishasura Mardini Stotram_श्री महिषासुर मर्दिनी स्तोत्रम्

అయి గిరినందిని నందితమేదిని విశ్వ-వినోదిని నందనుతే

గిరివర వింధ్య-శిరోఽధి-నివాసిని విష్ణు-విలాసిని జిష్ణునుతే |

భగవతి హే శితికంఠ-కుటుంబిణి భూరికుటుంబిణి భూరికృతే

జయ జయ హే మహిషాసుర-మర్దిని రమ్యకపర్దిని శైలసుతే ‖ 1 ‖

సురవర-హర్షిణి దుర్ధర-ధర్షిణి దుర్ముఖ-మర్షిణి హర్షరతే

త్రిభువన-పోషిణి శంకర-తోషిణి కల్మష-మోషిణి ఘోషరతే |

దనుజ-నిరోషిణి దితిసుత-రోషిణి దుర్మద-శోషిణి సింధుసుతే

జయ జయ హే మహిషాసుర-మర్దిని రమ్యకపర్దిని శైలసుతే ‖ 2 ‖

అయి జగదంబ మదంబ కదంబవన-ప్రియవాసిని హాసరతే

శిఖరి-శిరోమణి తుఙ-హిమాలయ-శృంగనిజాలయ-మధ్యగతే |

మధుమధురే మధు-కైతభ-గంజిని కైతభ-భంజిని రాసరతే

జయ జయ హే మహిషాసుర-మర్దిని రమ్యకపర్దిని శైలసుతే ‖ 3 ‖

అయి శతఖండ-విఖండిత-రుండ-వితుండిత-శుండ-గజాధిపతే

రిపు-గజ-గండ-విదారణ-చండపరాక్రమ-శౌండ-మృగాధిపతే |

నిజ-భుజదండ-నిపాటిత-చండ-నిపాటిత-ముండ-భటాధిపతే

జయ జయ హే మహిషాసుర-మర్దిని రమ్యకపర్దిని శైలసుతే ‖ 4 ‖

అయి రణదుర్మద-శత్రు-వధోదిత-దుర్ధర-నిర్జర-శక్తి-భృతే

చతుర-విచార-ధురీణ-మహాశయ-దూత-కృత-ప్రమథాధిపతే |

దురిత-దురీహ-దురాశయ-దుర్మతి-దానవ-దూత-కృతాంతమతే

జయ జయ హే మహిషాసుర-మర్దిని రమ్యకపర్దిని శైలసుతే ‖ 5 ‖

అయి నిజ హుంకృతిమాత్ర-నిరాకృత-ధూమ్రవిలోచన-ధూమ్రశతే

సమర-విశోషిత-శోణితబీజ-సముద్భవశోణిత-బీజ-లతే |

శివ-శివ-శుంభనిశుంభ-మహాహవ-తర్పిత-భూతపిశాచ-పతే

జయ జయ హే మహిషాసుర-మర్దిని రమ్యకపర్దిని శైలసుతే ‖ 6 ‖

ధనురనుసంగరణ-క్షణ-సంగ-పరిస్ఫురదంగ-నటత్కటకే

కనక-పిశంగ-పృషత్క-నిషంగ-రసద్భట-శృంగ-హతావటుకే |

కృత-చతురంగ-బలక్షితి-రంగ-ఘటద్-బహురంగ-రటద్-బటుకే

జయ జయ హే మహిషాసుర-మర్దిని రమ్యకపర్దిని శైలసుతే ‖ 7 ‖

అయి శరణాగత-వైరివధూ-వరవీరవరాభయ-దాయికరే

త్రిభువనమస్తక-శూల-విరోధి-శిరోధి-కృతాఽమల-శూలకరే |

దుమి-దుమి-తామర-దుందుభి-నాద-మహో-ముఖరీకృత-దిఙ్నికరే

జయ జయ హే మహిషాసుర-మర్దిని రమ్యకపర్దిని శైలసుతే ‖ 8 ‖

సురలలనా-తతథేయి-తథేయి-తథాభినయోదర-నృత్య-రతే

హాసవిలాస-హులాస-మయిప్రణ-తార్తజనేమిత-ప్రేమభరే |

ధిమికిట-ధిక్కట-ధిక్కట-ధిమిధ్వని-ఘోరమృదంగ-నినాదరతే

జయ జయ హే మహిషాసుర-మర్దిని రమ్యకపర్దిని శైలసుతే ‖ 9 ‖

జయ-జయ-జప్య-జయే-జయ-శబ్ద-పరస్తుతి-తత్పర-విశ్వనుతే

ఝణఝణ-ఝింఝిమి-ఝింకృత-నూపుర-శింజిత-మోహితభూతపతే |

నటిత-నటార్ధ-నటీనట-నాయక-నాటకనాటిత-నాట్యరతే

జయ జయ హే మహిషాసుర-మర్దిని రమ్యకపర్దిని శైలసుతే ‖ 10 ‖

పదకమలం కరుణానిలయే వరివస్యతి యోఽనుదినం న శివే

అయి కమలే కమలానిలయే కమలానిలయః స కథం న భవేత్ |

తవ పదమేవ పరంపద-మిత్యనుశీలయతో మమ కిం న శివే

జయ జయ హే మహిషాసుర-మర్దిని రమ్యకపర్దిని శైలసుతే ‖ 18 ‖

కనకలసత్కల-సింధుజలైరనుషింజతి తె గుణరంగభువం

భజతి స కిం ను శచీకుచకుంభత-తటీపరి-రంభ-సుఖానుభవం |

తవ చరణం శరణం కరవాణి నతామరవాణి నివాశి శివం

జయ జయ హే మహిషాసుర-మర్దిని రమ్యకపర్దిని శైలసుతే ‖ 19 ‖

తవ విమలేఽందుకలం వదనేందుమలం సకలం నను కూలయతే

కిము పురుహూత-పురీందుముఖీ-సుముఖీభిరసౌ-విముఖీ-క్రియతే |

మమ తు మతం శివనామ-ధనే భవతీ-కృపయా కిముత క్రియతే

జయ జయ హే మహిషాసుర-మర్దిని రమ్యకపర్దిని శైలసుతే ‖ 20 ‖

అయి మయి దీనదయాళుతయా కరుణాపరయా భవితవ్యముమే

అయి జగతో జననీ కృపయాసి యథాసి తథానుమితాసి రమే |

యదుచితమత్ర భవత్యురరీ కురుతా-దురుతాపమపా-కురుతే

జయ జయ హే మహిషాసుర-మర్దిని రమ్యకపర్దిని శైలసుతే ‖ 21 ‖

 

SRI MAHISHASURA MARDINI STOTRAM

ayi girinandini nanditamēdini viśvavinōdini nandinutē

girivaravindhyaśirōdhinivāsini viṣṇuvilāsini jiṣṇunutē ।

bhagavati hē śitikaṇṭhakuṭumbini bhūrikuṭumbini bhūrikṛtē

jaya jaya hē mahiṣāsuramardini ramyakapardini śailasutē ॥ 1 ॥

suravaravarṣiṇi durdharadharṣiṇi durmukhamarṣiṇi harṣaratē

tribhuvanapōṣiṇi śaṅkaratōṣiṇi kalmaṣamōṣiṇi ghōraratē । [kilbiṣa-, ghōṣa-]

danujanirōṣiṇi ditisutarōṣiṇi durmadaśōṣiṇi sindhusutē

jaya jaya hē mahiṣāsuramardini ramyakapardini śailasutē ॥ 2 ॥

ayi jagadamba madamba kadambavanapriyavāsini hāsaratē

śikhari śirōmaṇi tuṅgahimālaya śṛṅganijālaya madhyagatē ।

madhumadhurē madhukaiṭabhagañjini kaiṭabhabhañjini rāsaratē

jaya jaya hē mahiṣāsuramardini ramyakapardini śailasutē ॥ 3 ॥

ayi śatakhaṇḍa vikhaṇḍitaruṇḍa vituṇḍitaśuṇḍa gajādhipatē

ripugajagaṇḍa vidāraṇachaṇḍa parākramaśuṇḍa mṛgādhipatē ।

nijabhujadaṇḍa nipātitakhaṇḍa vipātitamuṇḍa bhaṭādhipatē [-chaṇḍa]

jaya jaya hē mahiṣāsuramardini ramyakapardini śailasutē ॥ 4 ॥

ayi raṇadurmada śatruvadhōdita durdharanirjara śaktibhṛtē

chaturavichāradhurīṇa mahāśiva dūtakṛta pramathādhipatē ।

duritadurīha durāśaya durmati dānavadūta kṛtāntamatē

jaya jaya hē mahiṣāsuramardini ramyakapardini śailasutē ॥ 5 ॥

ayi śaraṇāgata vairivadhūvara vīravarābhayadāyakarē

tribhuvana mastaka śūlavirōdhi śirōdhikṛtāmala śūlakarē ।

dumidumitāmara dundubhināda mahō mukharīkṛta tigmakarē

jaya jaya hē mahiṣāsuramardini ramyakapardini śailasutē ॥ 6 ॥

ayi nijahuṅkṛtimātra nirākṛta dhūmravilōchana dhūmraśatē

samaraviśōṣita śōṇitabīja samudbhavaśōṇita bījalatē ।

śiva śiva śumbha niśumbha mahāhava tarpita bhūta piśācharatē

jaya jaya hē mahiṣāsuramardini ramyakapardini śailasutē ॥ 7 ॥

dhanuranusaṅga raṇakṣaṇasaṅga parisphuradaṅga naṭatkaṭakē

kanaka piśaṅga pṛṣatkaniṣaṅgarasadbhaṭa śṛṅga hatāvaṭukē ।

kṛtachaturaṅga balakṣitiraṅga ghaṭadbahuraṅga raṭadbaṭukē

jaya jaya hē mahiṣāsuramardini ramyakapardini śailasutē ॥ 8 ॥

suralalanā tatathēyi tathēyi kṛtābhinayōdara nṛtyaratē

kṛta kukuthaḥ kukuthō gaḍadādikatāla kutūhala gānaratē ।

dhudhukuṭa dhukkuṭa dhindhimita dhvani dhīra mṛdaṅga ninādaratē

jaya jaya hē mahiṣāsuramardini ramyakapardini śailasutē ॥ 9 ॥

jaya jaya japya jayē jaya śabdaparastuti tatpara viśvanutē

bhaṇa bhaṇa bhiñjimi bhiṅkṛtanūpura siñjitamōhita bhūtapatē । [jha-, jhiṃ-]

naṭitanaṭārdha naṭīnaṭanāyaka nāṭitanāṭya sugānaratē

jaya jaya hē mahiṣāsuramardini ramyakapardini śailasutē ॥ 10 ॥

ayi sumanaḥ sumanaḥ sumanaḥ sumanaḥ sumanōhara kāntiyutē

śrita rajanī rajanī rajanī rajanī rajanīkara vaktravṛtē ।

sunayana vibhramara bhramara bhramara bhramara bhramarādhipatē

jaya jaya hē mahiṣāsuramardini ramyakapardini śailasutē ॥ 11 ॥

sahita mahāhava mallama tallika mallita rallaka mallaratē

virachita vallika pallika mallika bhillika bhillika varga vṛtē ।

sitakṛta phullasamullasitāruṇa tallaja pallava sallalitē

jaya jaya hē mahiṣāsuramardini ramyakapardini śailasutē ॥ 12 ॥

aviralagaṇḍagalanmadamēdura mattamataṅgaja rājapatē

tribhuvanabhūṣaṇa bhūtakalānidhi rūpapayōnidhi rājasutē ।

ayi sudatījana lālasamānasa mōhanamanmatha rājasutē

jaya jaya hē mahiṣāsuramardini ramyakapardini śailasutē ॥ 13 ॥

kamaladalāmala kōmalakānti kalākalitāmala bhālalatē

sakalavilāsa kaḻānilaya kramakēlichalatkalahaṃsakulē ।

alikula saṅkula kuvalaya maṇḍala maulimiladbhakulāli kulē

jaya jaya hē mahiṣāsuramardini ramyakapardini śailasutē ॥ 14 ॥

karamuraḻīrava vījita kūjita lajjitakōkila mañjumatē

milita pulinda manōhara guñjita rañjitaśaila nikuñjagatē ।

nijaguṇabhūta mahāśabarīgaṇa sadguṇasambhṛta kēḻitalē

jaya jaya hē mahiṣāsuramardini ramyakapardini śailasutē ॥ 15 ॥

kaṭitaṭapīta dukūlavichitra mayūkhatiraskṛta chandraruchē

praṇatasurāsura mauḻimaṇisphura daṃśulasannakha chandraruchē ।

jitakanakāchala mauḻipadōrjita nirbharakuñjara kumbhakuchē

jaya jaya hē mahiṣāsuramardini ramyakapardini śailasutē ॥ 16 ॥

vijita sahasrakaraika sahasrakaraika sahasrakaraikanutēkṛta suratāraka saṅgaratāraka saṅgaratāraka sūnusutē ।surathasamādhi samānasamādhi samādhi samādhi sujātaratējaya jaya hē mahiṣāsuramardini ramyakapardini śailasutē ॥ 17 ॥

padakamalaṃ karuṇānilayē varivasyati yō'nudinaṃ sa śivēayi kamalē kamalānilayē kamalānilayaḥ sa kathaṃ na bhavēt ।tava padamēva parampadamityanuśīlayatō mama kiṃ na śivējaya jaya hē mahiṣāsuramardini ramyakapardini śailasutē ॥ 18 ॥

kanakalasatkala sindhujalairanusiñchinutē guṇaraṅgabhuvaṃbhajati sa kiṃ na śachīkuchakumbha taṭīparirambha sukhānubhavam ।tava charaṇaṃ śaraṇaṃ karavāṇi natāmaravāṇi nivāsi śivaṃjaya jaya hē mahiṣāsuramardini ramyakapardini śailasutē ॥ 19 ॥

tava vimalēndukulaṃ vadanēndumalaṃ sakalaṃ nanu kūlayatēkimu puruhūta purīndumukhī sumukhībhirasau vimukhīkriyatē ।mama tu mataṃ śivanāmadhanē bhavatī kṛpayā kimuta kriyatējaya jaya hē mahiṣāsuramardini ramyakapardini śailasutē ॥ 20 ॥

ayi mayi dīnadayālutayā kṛpayaiva tvayā bhavitavyamumēayi jagatō jananī kṛpayāsi yathāsi tathā'nubhitāsiratē ।yaduchitamatra bhavatyurari kurutādurutāpamapākuru tē [mē]jaya jaya hē mahiṣāsuramardini ramyakapardini śailasutē ॥ 21 ॥

iti śrī mahiṣāsuramardini stōtram ॥

 

श्री महिषासुर मर्दिनी स्तोत्रम् (अयिगिरि नन्दिनि)

अयि गिरिनन्दिनि नन्दितमेदिनि विश्वविनोदिनि नन्दिनुते

गिरिवरविन्ध्यशिरोधिनिवासिनि विष्णुविलासिनि जिष्णुनुते ।

भगवति हे शितिकण्ठकुटुम्बिनि भूरिकुटुम्बिनि भूरिकृते

जय जय हे महिषासुरमर्दिनि रम्यकपर्दिनि शैलसुते ॥ 1 ॥

सुरवरवर्षिणि दुर्धरधर्षिणि दुर्मुखमर्षिणि हर्षरते

त्रिभुवनपोषिणि शङ्करतोषिणि कल्मषमोषिणि घोररते । [किल्बिष-, घोष-]

दनुजनिरोषिणि दितिसुतरोषिणि दुर्मदशोषिणि सिन्धुसुते

जय जय हे महिषासुरमर्दिनि रम्यकपर्दिनि शैलसुते ॥ 2 ॥

अयि जगदम्ब मदम्ब कदम्बवनप्रियवासिनि हासरते

शिखरि शिरोमणि तुङ्गहिमालय शृङ्गनिजालय मध्यगते ।

मधुमधुरे मधुकैटभगञ्जिनि कैटभभञ्जिनि रासरते

जय जय हे महिषासुरमर्दिनि रम्यकपर्दिनि शैलसुते ॥ 3 ॥

अयि शतखण्ड विखण्डितरुण्ड वितुण्डितशुण्ड गजाधिपते

रिपुगजगण्ड विदारणचण्ड पराक्रमशुण्ड मृगाधिपते ।

निजभुजदण्ड निपातितखण्ड विपातितमुण्ड भटाधिपते [-चण्ड]

जय जय हे महिषासुरमर्दिनि रम्यकपर्दिनि शैलसुते ॥ 4 ॥

अयि रणदुर्मद शत्रुवधोदित दुर्धरनिर्जर शक्तिभृते

चतुरविचारधुरीण महाशिव दूतकृत प्रमथाधिपते ।

दुरितदुरीह दुराशय दुर्मति दानवदूत कृतान्तमते

जय जय हे महिषासुरमर्दिनि रम्यकपर्दिनि शैलसुते ॥ 5 ॥

अयि शरणागत वैरिवधूवर वीरवराभयदायकरे

त्रिभुवन मस्तक शूलविरोधि शिरोधिकृतामल शूलकरे ।

दुमिदुमितामर दुन्दुभिनाद महो मुखरीकृत तिग्मकरे

जय जय हे महिषासुरमर्दिनि रम्यकपर्दिनि शैलसुते ॥ 6 ॥

अयि निजहुङ्कृतिमात्र निराकृत धूम्रविलोचन धूम्रशते

समरविशोषित शोणितबीज समुद्भवशोणित बीजलते ।

शिव शिव शुम्भ निशुम्भ महाहव तर्पित भूत पिशाचरते

जय जय हे महिषासुरमर्दिनि रम्यकपर्दिनि शैलसुते ॥ 7 ॥

धनुरनुसङ्ग रणक्षणसङ्ग परिस्फुरदङ्ग नटत्कटके

कनक पिशङ्ग पृषत्कनिषङ्गरसद्भट शृङ्ग हतावटुके ।

कृतचतुरङ्ग बलक्षितिरङ्ग घटद्बहुरङ्ग रटद्बटुके

जय जय हे महिषासुरमर्दिनि रम्यकपर्दिनि शैलसुते ॥ 8 ॥

सुरललना ततथेयि तथेयि कृताभिनयोदर नृत्यरते

कृत कुकुथः कुकुथो गडदादिकताल कुतूहल गानरते ।

धुधुकुट धुक्कुट धिन्धिमित ध्वनि धीर मृदङ्ग निनादरते

जय जय हे महिषासुरमर्दिनि रम्यकपर्दिनि शैलसुते ॥ 9 ॥

जय जय जप्य जये जय शब्दपरस्तुति तत्पर विश्वनुते

भण भण भिञ्जिमि भिङ्कृतनूपुर सिञ्जितमोहित भूतपते । [झ-, झिं-]

नटितनटार्ध नटीनटनायक नाटितनाट्य सुगानरते

जय जय हे महिषासुरमर्दिनि रम्यकपर्दिनि शैलसुते ॥ 10 ॥

अयि सुमनः सुमनः सुमनः सुमनः सुमनोहर कान्तियुते

श्रित रजनी रजनी रजनी रजनी रजनीकर वक्त्रवृते ।

सुनयन विभ्रमर भ्रमर भ्रमर भ्रमर भ्रमराधिपते

जय जय हे महिषासुरमर्दिनि रम्यकपर्दिनि शैलसुते ॥ 11 ॥

सहित महाहव मल्लम तल्लिक मल्लित रल्लक मल्लरते

विरचित वल्लिक पल्लिक मल्लिक भिल्लिक भिल्लिक वर्ग वृते ।

सितकृत फुल्लसमुल्लसितारुण तल्लज पल्लव सल्ललिते

जय जय हे महिषासुरमर्दिनि रम्यकपर्दिनि शैलसुते ॥ 12 ॥

अविरलगण्डगलन्मदमेदुर मत्तमतङ्गज राजपते

त्रिभुवनभूषण भूतकलानिधि रूपपयोनिधि राजसुते ।

अयि सुदतीजन लालसमानस मोहनमन्मथ राजसुते

जय जय हे महिषासुरमर्दिनि रम्यकपर्दिनि शैलसुते ॥ 13 ॥

कमलदलामल कोमलकान्ति कलाकलितामल भाललते

सकलविलास कलानिलय क्रमकेलिचलत्कलहंसकुले ।

अलिकुल सङ्कुल कुवलय मण्डल मौलिमिलद्भकुलालि कुले

जय जय हे महिषासुरमर्दिनि रम्यकपर्दिनि शैलसुते ॥ 14 ॥

करमुरलीरव वीजित कूजित लज्जितकोकिल मञ्जुमते

मिलित पुलिन्द मनोहर गुञ्जित रञ्जितशैल निकुञ्जगते ।

निजगुणभूत महाशबरीगण सद्गुणसम्भृत केलितले

जय जय हे महिषासुरमर्दिनि रम्यकपर्दिनि शैलसुते ॥ 15 ॥

कटितटपीत दुकूलविचित्र मयूखतिरस्कृत चन्द्ररुचे

प्रणतसुरासुर मौलिमणिस्फुर दंशुलसन्नख चन्द्ररुचे ।

जितकनकाचल मौलिपदोर्जित निर्भरकुञ्जर कुम्भकुचे

जय जय हे महिषासुरमर्दिनि रम्यकपर्दिनि शैलसुते ॥ 16 ॥

विजित सहस्रकरैक सहस्रकरैक सहस्रकरैकनुते

कृत सुरतारक सङ्गरतारक सङ्गरतारक सूनुसुते ।

सुरथसमाधि समानसमाधि समाधि समाधि सुजातरते

जय जय हे महिषासुरमर्दिनि रम्यकपर्दिनि शैलसुते ॥ 17 ॥

पदकमलं करुणानिलये वरिवस्यति योऽनुदिनं स शिवे

अयि कमले कमलानिलये कमलानिलयः स कथं न भवेत् ।

तव पदमेव परम्पदमित्यनुशीलयतो मम किं न शिवे

जय जय हे महिषासुरमर्दिनि रम्यकपर्दिनि शैलसुते ॥ 18 ॥

कनकलसत्कल सिन्धुजलैरनुसिञ्चिनुते गुणरङ्गभुवं

भजति स किं न शचीकुचकुम्भ तटीपरिरम्भ सुखानुभवम् ।

तव चरणं शरणं करवाणि नतामरवाणि निवासि शिवं

जय जय हे महिषासुरमर्दिनि रम्यकपर्दिनि शैलसुते ॥ 19 ॥

तव विमलेन्दुकुलं वदनेन्दुमलं सकलं ननु कूलयते

किमु पुरुहूत पुरीन्दुमुखी सुमुखीभिरसौ विमुखीक्रियते ।

मम तु मतं शिवनामधने भवती कृपया किमुत क्रियते

जय जय हे महिषासुरमर्दिनि रम्यकपर्दिनि शैलसुते ॥ 20 ॥

अयि मयि दीनदयालुतया कृपयैव त्वया भवितव्यमुमे

अयि जगतो जननी कृपयासि यथासि तथाऽनुभितासिरते ।

यदुचितमत्र भवत्युररि कुरुतादुरुतापमपाकुरु ते [मे]

जय जय हे महिषासुरमर्दिनि रम्यकपर्दिनि शैलसुते ॥ 21 ॥

इति श्री महिषासुरमर्दिनि स्तोत्रम् ॥